NOVEL KORONA VÁIRES (KOVÍD-19)

Korona, Korona, Korona, Korona
Tuñí aiccó hottú, añáre ekka hoó na
Wuhán cóor Hubei zilár Cainattú, aiccí añí soó na
Tuáñr nam ki, ekka añáre hoói zoó na
Añár nam Kovid-19, SARS-KoV-2 ar 2019-nKoV Korona
Tuáñr nam, e tó behañ kiyá, hoó na
Añár gaar sairóu dhákottú, cúnar tas, beráiya asé soó na
Hétolla hoó, añáre maincé, Kovíd-19 Korona

Añár nái honó fúñaijja ar honó egana
Beggún óre, buzi añí begana
Záre fari taré, mari añí nosaái thíkana
Gura, burá bad nodi, zodi dekí añí, aró cíyána
E fojjonto, lak lak manúic, maijjí añí, soó na
Gal ar nakottú, añí zai féccwat, keén gorí soó na

Zor, hañc, gola bic, aró niác ór than, biaram or e sinnó gan
Siní loi ba, zone zone, rakí aró mone mone
Soli añára beggún, rakí aró sehétor díyan
Muk ot baní hoñóur, baáre zai bar, táile tuáñr honó cóouk

Góno-góno sábun di, hát dúui faní di
Mazé-mazé hát ot mazi, enti-septik di
Ek mithár duré duré táki, baáre zehón táki
Musafayó no gorí, duróttu siríf solam di
Atíkka háiccaní aiyé zodi, hát óre beháñ gorí gallán gúri di  
E biaramor mukabela, gorí beggún é kúllun kúla
Mili-zúli beggún é, ziti yóum añára
Abar beggún fúañre, bera yóum ara-fara